Даследчыя накірункі Кангрэса даследчыкаў Беларусі-2013

Вызначаныя даследчыя накірункі (тэмы), па якіх можна будзе падаць заяўку на ўдзел у  III  Міжнародным Кангрэсе даследчыкаў Беларусі, які адбудзецца 11 – 13 кастрычніка 2013 года ў Коўна (Літва).

Эканоміка

1. Эканоміка Беларусі: выклікі і праблемы трансфармацыі
2. Эканоміка Беларусі: “свой шлях” ці паўтарэнне чужога досведу?

 Сацыяльныя навукі і філасофія

1. Сучасная  сацыяльнасць: новыя з’явы, працэсы, структуры
2. Гендэрныя “правілы” ў Беларусі: канструяванне нарматыўнасці і практыкі сацыяльнага выключэння
3. “Новыя медыя”: інфармацыйны ландшафт і сацыяльныя практыкі
4. Філасофскія дыскурсы і сацыяльны кантэкст: постсавецкая перспектыва
5. Беларусы як меншасць і дыяспара

Адукацыя і навука

1. Вышэйшая і сярэдняя адукацыя ў Беларусі: стан, праблемы перспектывы
2. Навука і інавацыі ў Беларусі і Цэнтральна-Усходняй Еўропе: стан, праблемы, перспектывы

Палітыка і міжнародныя адносіны

1. Беларусь у міжнародных адносінах
2. Еўразійская інтэграцыя: перспектывы і выклікі
3. Палітычныя інстытуты Беларусі, Цэнтральна-Ўсходняй і Паўночнай Еўропы: параўнальная перспектыва
4. Эканамічнае і палітычнае супрацоўніцтва дзяржаў Цэнтральна-Ўсходняй і Паўночнай Еўропы
5. Рэформа дзяржаўнага кіравання як умова павышэння якасці дзяржаўнай палітыкі ў Беларусі

Гісторыя

1. “Літва” і “Русь”: коды палітыкі, этнічнасці і канфесійнасці ў Вялікім Княстве Літоўскім XIII—XVII стст.
2. Заканадаўства і прававая сістэма Вялікага Княства Літоўскага: тэндэнцыі, уплывы і асаблівасці
3. Гісторыя Беларусі ХІХ стагоддзя
4. Гісторыя Беларусі ХХ стагоддзя
5. Гісторыя горада ў Цэнтральна-Усходняй і Паўночнай Еўропе
6. Другая сусветная вайна ў Беларусі і Цэнтральна-Усходняй Еўропе: гісторыя, памяць і рэпрэзентацыя
7. Беларусы ў краінах Балтыі
8. Яўрэі Беларусі: жыццядзейнасць і ўзаемадзеянне з беларусамі

Даследаванне рэлігіі і бібліі

1. Рэлігіі-мігранты: фармаванне новых традыцый
2. Хрысціянства на землях Полаччыны: даследаванне і канцэптуалізацыя духоўнай і інтэлектуальнай спадчыны
3. Беларуская Біблія: праблемы і перспектывы навуковага перакладу

Культура і мастацтва

1. Традыцыйная культура Беларусі і Цэнтральна-Усходняй Еўропы: эвалюцыя, трансфармацыя і перспектывы
2. Літаратура як форма рэфлексіі нацыі
3. Кінамастацтва і кінаіндустрыя Беларусі: алгарытм развіцця і трансфармацыі
4. Сучасная беларуская культура і мастацтва ў нацыянальным і рэгіянальным кантэксце
5. Культурная спадчына Вялікага княства Літоўскага як ключавы фактар на шляху развіцця міжкультурнага дыялогу і еўрапейскай ідэнтычнасці
6. Ахова і аднаўленне гісторыка-культурнай спадчыны

Псіхалогія і псіхааналіз

1. Псіхалогія і псіхааналіз у Беларусі: стан, праблемы і перспектывы

Нагадваем, што Канцэпцыя Кангрэса-2013 гучыць як «Беларусь. Паўночнае вымярэнне». Асаблівая ўвага будзе нададзена пашырэнню акадэмічнага супрацоўніцтва беларускіх даследчыкаў з краінамі Балтыйскага і Скандынаўскага рэгіёнаў, а таксама «паглыбленню рэгіянальных і параўнальных даследаванняў Беларусі і рэгіёна Балтыйскага мора ў шырокім яго разуменні».