Канферэнцыя “Эвалюцыя ці дэвальвацыя: праблема дэмакратычнага парадку ва Усходняй Еўропе”

19 мая 2017

І-я Мінская канферэнцыя Інстытута “Палітычная сфера” “Эвалюцыя ці дэвальвацыя: праблема дэмакратычнага парадку ва Усходняй Еўропе” адбудзецца ў Мінску 25-27 траўня 2017. Зарэгістравацца для наведвання канферэнцыі ў якасці госця можна да 23 траўня праз анлайн-форму.

Свет за апошнія пяць-дзесяць гадоў істотна змяніўся. Змены закранулі не толькі фінансавыя плыні і арганізацыю эканомікі, але і прывялі да пераацэнкі палітычных каштоўнасцей, паставілі новыя выклікі перад дэмакратыяй як ідэяй і палітычнай мадэллю. Набылі новую сілу дыскусіі пра заняпад, дэвальвацыю, крызіс і нават канец дэмакратыі, якія сілкуюцца ростам скептычнага і падазронага стаўлення да палітычнага істэблішменту, узмацненнем папулізму, правага і левага радыкалізму, рэлігійнага фундаменталізму. У больш памяркоўных праявах робяцца спробы пераасэнсаваць эвалюцыю дэмакратыі, выпрацаваць і стабілізаваць новую дэмакратычную мадэль.

Устойлівасць дэмакратыі была пастаўленая пад пытанне нават у краінах Еўрапейскага Саюза і ЗША. Акрамя гэтага, увага да правоў чалавека і дэмакратыі значна знізілася пры вызначэнні знешняй палітыкі. За ўсходнімі межамі ЕС рост скепсісу да дэмакратычнага ладу і каштоўнасцей становіцца асабліва відавочным. У адных краінах, такіх як Расія, Арменія, і Казахстан, назіраецца відавочны рост аўтарытарных тэндэнцый. Спробы дэмакратычных перамен і еўраінтэграцыі Украіны, Малдовы і Грузіі не прывялі да відавочнага поспеху, што пацягнула за сабой рост апатыі і недаверу ў шырокіх пластах грамадства. На гэтым фоне крыху выбіваецца Беларусь, дзе з 2014 года адбываецца паступовая лібералізацыя, але пакуль цяжка сказаць, наколькі гэтая тэндэнцыя будзе ўстойлівай.

У рамках канферэнцыі плануецца паставіць наступныя пытанні: Якія асноўныя выклікі і перспектывы дэмакратыі ва Усходняй Еўропе? Ці змяняецца разуменне дэмакратыі ў сучасным свеце, ці можна казаць пра тое, што выпрацоўваецца новая мадэль дэмакратыі? Ці можна казаць пра палітычную дэвальвацыю дэмакратыі? Ці працягваюць правы чалавека і дэмакратыя займаць важнае месца ў знешняй палітыцы заходніх дзяржаў?

Прапануем вашай ўвазе праграму канферэнцыі.

 

Інстытут “Палітычная сфера” (Беларусь-Літва)

Амбасада Літоўскай Рэспублікі ў Беларусі

Польскі Інстытут у Мінску

Беларускі Калегіум

Інстытут ВКЛ (Літва)

Універсітэт Вітаўта Вялікага (Літва)

Інстытут гісторыі Літвы (Літва)

Эвалюцыя ці дэвальвацыя: праблема дэмакратычнага парадку ва Усходняй Еўропе

VІ-я Мінская канферэнцыя Інстытута “Палітычная сфера”

25-27 мая 2017 года

Праграма

25 мая (чацвер)

18.30-20.30 Гатэль Crowne Plaza, вул. Кірава, 13

Публічная дыскусія: “Як зараз пісаць гісторыю сваёй краіны?”, з удзелам Лукаша Адамскага (Польшча), Валянціна Голубева (Беларусь), Русціса Камунтавічуса (Літва), Івана Курыла (Расія).

26 мая (пятніца)

Амбасада Літоўскай Рэспублікі ў Беларусі, г. Мінск, вул. Захарава, 68

10.00-10.10. Адкрыццё канферэнцыі

10.10-11.30. Цэнтры і перыферыя: перагляд досведу дэмакратыі ва Усходняй Еўропе

Томаш Зарыцкі (Польшча). Ад камуністычнай да перыферыйнай еўрапейскай палітычнай сцэны: міжнародны кантэкст трансфармацыі польскай палітыкі (From a post-communist to a peripheral European political scene: international contexts of the transformation of Polish politics)

Лукаш Адамскі (Польшча). Мэты расійскай палітыкі ў дачыненні да Польшчы: да 2014 г. і пасля 2014 г. (О celach rosyjskiej polityki wobec Polski: do 2014 i po 2014 r.)

Андрэй Ягораў (Беларусь). Прасоўванне  дэмакратыі ў краінах Усходняга Партнёрства: перспектывы і выклікі

11.30-12.00. Кава-паўза

12.00-13.30. “Свой шлях” дэмакратыі? Тлумачэнне беларускага выпадку

Пётр Рудкоўскі (Беларусь). Беларуская дзяржаўная ідэалогія пасля  ўкраінска-расійскага канфлікту

Вадзім Смок (Беларусь). “Свой шлях” дэмакратыі: грамадзянская супольнасць у прамовах беларускіх вышэйшых дзяржаўных асобаў

Андрэй Вардамацкі (Беларусь). Кепскі настрой і попыт на рэформы: складаная траекторыя грамадскай думкі ў Беларусі

13.30-14.30. Абед

14.30-16.00. Дэмакратыя і беларуская замежная палітыка

Яўген Прэйгерман (Беларусь). Дэмакратыя як фактар беларускай знешняй палітыкі: неакласічны рэлістычны пункт погляду

Андрэй Казакевіч (Беларусь). Дэмакратыя і палітыка: разуменне прамоваў і рашэнняў прэзідэнтаў ЗША (1992-2016)

Зміцер Міцкевіч (Беларусь). Па-за дэмакратыяй: імідж Беларусі ў суседніх краінах

Аляксей Крывалап (Беларусь). “Рускі свет” у Беларусі: выклікі для віртуальнай інфармацыйнай прасторы

16.00-16.30. Кава-паўза

16.30-18.00. Грамадзянская ідэнтычнасць і гісторыя ў постамуністычных грамадствах

Богдан Цывіньскі (Польшча). Пабудова сапраўднай грамадзянскай свядомасці ў посткамуністычных грамадствах (Budowa prawdziwej świadomości obywatelskiej w społeczeństwach historycznie doświadczonych przez system komunistyczny)

Аляксей Крысенка (Украіна). Постсавецкая антрапалогія дзяржаўнага парадку ва Украіне: да і пасля “рэвалюцыі годнасці” (Постсоветская антропология государственного порядка в Украине: до и после Революции достоинства)

Іван Курылла (Расія). Прэзентызм, палітызацыя гісторыі і новыя ролі гісторыкаў (Презентизм, политизация истории и новые роли историков)

27 мая (субота)

Амбасада Літоўскай Рэспублікі ў Беларусі, г. Мінск, вул. Захарава, 68

10.00-11.30. Адукацыя, гісторыя, дэмакратыя і палітыка ва Усходняй Еўропе

Раса Чэпайцене (Літва). Наступствы неаліберальнай рэформы вышэйшай адукацыі Літвы: дэдэмакратызацыя акадэмічнага асяроддзя (Последствия неолиберальной реформы высшего образования Литвы: дедемократизация академической среды)

Русціс Камунтавічус (Літва). Гісторыя ў падручніках і крытычная гісторыя: адна ці дзве розныя гісторыі? (История в учебниках и критическая история: одна или две разные истории?)

Алег Дзярновіч (Беларусь). “Іншая Русь”: Вялікае Княства Літоўскае ў сучасным расійскім інструменталісцкім дыскурсе

Аляксей Ластоўскі (Беларусь). Курапаты ў кантэксце “палітыкі мёртвых цел”

11.30-12.00 . Кава-паўза

12.00-13.00. Агульная дыскусія: “Адукацыя, гісторыя, дэмакратыя і палітыка ва Усходняй Еўропе”

Працоўныя мовы канферэнцыі — беларускаярускаяанглійскаяпольскаяукраінская.

Нагадваем, што каб наведаць канферэнцыю ў якасці госця, трэба да 23 траўня 2017 года зарэгістравацца праз анлайн-форму.