Выданне цыкла лекцый Уладзіміра Абушенкі, выдатнага беларускага сацыёлага, які сыйшоў ад нас мінулай восенню, для Беларусі амаль унікальнае. Унікальнае не толькі ўласна зместам, але і тым шляхам, якім яно пабачыла свет.
Настаўніцтва займала одно з галоўных месцаў у жыцці Ўладзіміра Леанідавіча. Аўтарскія курсы па тэарэтычнай сацыялогіі і культурсацыялогіі, якія ён шмат год чытаў у БДУ, былі аднымі з цікавейшых і найбольш грунтоўных у адукацыі будучых сацыёлагаў. Некалькі апошніх год свайго жыцця ён чытаў магістрантам аддзялення сацыялогіі Нацыянальнай акадэміі навук курс “Праблемы сучаснай сацыялогіі”. Сам ён лічыў гэта курс найбольш складаным у сваёй практыцы, і нават эксперыментальным. Ад самага пачатку гэтага “экперыменту” была ідэя выдання курса, але пры жыцці Ўладзіміра Абушэнкі гэта так і не здзейснілася.
Кнігу сабралі, адрэдагавалі і выдалі вучні Ўладзіміра Абушэнкі. Значная частка сродкаў на выданне была сабрана праз краўдфандынг з дапамогай платформы Talaka.by.
Прэзентацыя выдання курса лекцый Уладзіміра Абушэнкі
“Сучасная сацыялогія. Праблемы, рамкі, падставы”
адбудзецца 30 лістапада
у Галерэі сучаснага мастацтва “Ў” (пр-т Незалежнасцi, 37а).
Пачатак — у 19-00.
На прэзентацыі можна будзе даведацца пра змест і гісторыю стварэння кнігі, а таксама набыць выданне.