Шэдэўры манументальнага мастацтва беларускіх храмаў. Экскурсія

21 чэрвеня 2018

Школа мастацтваў для дарослых “Дзівіна Гармонія” і праект “Навуковыя падарожжы” запрашае на экскурсію па маршруту Пяршаі-Налібакі-Івянец-Ракаў.

У цыкле падарожжаў “Святло з неба” вы будзеце мець магчымасць пазнаёміцца з гісторыяй месцаў, архітэктурнымі, мастацкімі вартасцямі аб’ектаў культурнай спадчыны. А таксама з інтэр’ерамі, унутраным убраннем храмаў, якое служыць не толькі рэлігійным мэтам, але паўстае унікальнай скарбніцай духу, перапляценнем розных пакаленняў, якія імкнуліся дапаўняць гэтую рэальнасць.

Пачнецца маршрут з наведвання  Касцёла Святога Юрыя ў Першаях. Гэты храм — прыклад сталізатарскай архітэктуры 1933 года. Вы даведаецеся пра гісторыю места, паглядзіце на храм вачыма архітэктара і мастака. Жадаючыя змогуць зрабіць замалеўкі.

Далей экскурсія рушыць у Налібакі, наведае Касцел Ушэсця Дзевы Марыі (1935-39 гг),  Праваслаўны храм святога Арханёла Міхаіла (2003-2006),  Капліцу і  Браму XIX ст.

Пасля  гэтага вас чакае Івенец і адразу тры храмы – тры розныя стылі і часы:

– Касцёл Святога Міхала Арханёла («Белы касцёл», 1740-1749 гг., Дойлід А. Чаховіч; рэстаўраваны ў 1856-1860, арх. В. Бяляўскі),

– Касцёл Святога Аляксея («Чырвоны касцёл», 1905-1907 гг.) і

 – Царква Святой Ефрасінні Полацкай, архітэктар В. Даніленка (1998г.)

Скончыцца маршрут у Ракаве, прыпынкі:  Спаса-Праабражэнскай царква (1793) з брамай пабудовы 1886 года,  Каталіцкая капліца святой Ганны з брамай-званіцай на могілках (1862), Касцёл Маці Божай Ружанцовай (1904-1906) і іншыя культурна-гістарычныя месцы горада.

Падчас эксурсіі запланаваны абед у кавярні. Жадаючыя змогуць рабіць замалёўкі, весці дарожныя нататкі, пакідаючы рукатворнуя памяць аб уражанні, ведах, пачуццях …

14 ліпеня (субота)

Выезд з Мінску: 9.00 – вяртанне: 18.00.

Кошт удзелу: 45 р. Дзецям зніжка.

Запіс на экскурсію:

dh-school.by/ekskursiya-shedevry-monumentalnogo-iskusstva-belorusskix-xramov  

Вядучыя:

культуролаг, мастацтвазнаўца, выкладчык ЕГУ Сяргей Харэўскі

мастак-манументаліст Аляксей Лосік

 

Дадатковая інфармацыя: Velcom: (29) 1-769-769 МТС: (29) 705-10-51 info@dhschool.by

_______________________________________________

Аб праекце:

“Святло з неба” — новы экскурсійна-творчы праект школы мастацтваў “Дзівіна Гармонія” і праекта “Навуковыя падарожжы”. У кампаніі з культуролагам, мастацтвазнаўцам, выкладчыкам ЕГУ Сяргеем Харэўскім і мастаком-вітражыстам Аляксеем Лосікам, мы будзем знаёміць вас з беларускімі шэдэўрамі сучаснага манументальнага мастацтва, а менавіта з храмавымі вітражамі.

Часцей за ўсё вандроўцы звяртаюць увагу на знешняе аблічча храмаў і такіх здымкаў вельмі шмат. «Падарожнічаючы, ня абыходзьце храм. Абавязкова заходзьце! Менавіта ў інтэр’ерах храмаў збіраюцца унікальныя рэліквіі, бясцэнныя вобразы і шэдэўры дэкаратыўнага, прыкладнога і манументальнага мастацтва!” — перакананы культуролаг Сяргей Харэўскі.

Што азначае мастацтва вітража і для каго ствараліся вітражы ў старажытных храмах? Вітражы ствараліся для Бога! Такім складаным і велічным спосабам людзі транслявалі пачуццё наўпрост ў неба. Гэта і было сведчанне веры. А неба вяртала святло ў храм, дзе, пераламляючыся праз каляровыя шыбы, ён ствараў містычную атмасферу цуду.

Сённяшнія вітражы прызначаны перш за ўсё гледачам. Тым, хто, уваходзячы ў храм, адчувае гэтую містычную сувязь з небам праз шматколерныя вокны…

Сардэчна запрашаем у нашыя падарожжы!

ЛЯТУЧЫ ЎНІВЕРСІТЭТ — гэта некамерцыйная ініцыятыва, дзе любы жадаючы можа навучацца бясплатна.
Але гэтага ўсяго не было б без падтрымкі неабыякавых.
Напішыце каментар