Уручэнне прэміі імя Міхала Анемпадыстава

30 сакавіка 2019

Дызайнера найлепшай кніжнай вокладкі ўзнагародзяць 7 красавіка а 17-й гадзіне ў культурным хабе Ок16.

Цырымонія адбудзецца ў межах Фестываля інтэлектуальнай кнігі “Прадмова”.

Шорт-ліст прэміі імя Міхала Анемпадыстава

Падчас уручэння ўлюбёныя песні з “Народнага альбома” заспявае Кася Камоцкая. А пасля цырымоніі гледачоў чакае творчая імправізацыя Рамана Падалякі і Змітра Лук’янчыка “Чуць, бачыць, разумець” паводле працы Міхала Анемпадыстава “Колер Беларусі”.

Найлепшую вокладку да беларускай кнігі вызначыць журы, у якое ўвайшлі пісьменнік і мастак Артур Клінаў, дызайнер Уладзімір Цэслер, мастачка Васіліса Паляніна, пісьменнік і мастак Адам Глобус, літаратарка Вольга Бабкова, дызайнерка Алена Дашкевіч, мастачка Антаніна Слабодчыкава, дызайнер Юрый Тарэеў.

7 красавіка

17.00

Культурны хаб Ок16 (Кастрычніцкая, 16)

Прэмія імя Міхала Анемпадыстава заснаваная сёлета ў памяць пра дызайнера, паэта, фатографа, публіцыста, культуролага, які пайшоў з жыцця год таму. Ініцыятыва належыць Беларускаму ПЭН-цэнтру сумесна з Беларускім саюзам дызайнераў і “Лятучым універсітэтам”, а таксама польскім партнёрам ТАА “H&L” і фондам “Адкрытая культура”.

Генеральным партнёрам выступіў незалежны тэлеканал “Белсат”, прэмія ладзіцца ў межах грамадскай кампаніі “Беларускамоўныя”.

Глядзіце таксама:

Выстава “Колер Беларусi” Міхала Анемпадыстава: бясконцае наша”

Пяць цікавостак фестываля інтэлектуальнай кнігі “Прадмова”

“Колер Беларусі”: новы пласт спадчыны

ЛЯТУЧЫ ЎНІВЕРСІТЭТ — гэта некамерцыйная ініцыятыва, дзе любы жадаючы можа навучацца бясплатна.
Але гэтага ўсяго не было б без падтрымкі неабыякавых.
Напішыце каментар