Як дзецям расказваць пра Халакост?

16 января 2018

24 студзеня ў  Гістарычнай майстэрні адбудзецца першая ў гэтым годзе сустрэча ў межах Клуба вуснага гісторыка. Гэты год у Клубе распачнецца практыкумам, у якім прымуць удзел спецыялісты-адукатары і госці паседжання.

Сустрэча будзе цалкам прысвечана розным методыкам і практыкам выкладання дзецям тэмы Халакосту.

Для Беларусі Халакост – падвойная адукатарская праблема. Па-першае, падручнікі не звяртаюць на гэту тэму ўвагі і таму спецыялістам трэба самастойна знайсці спосаб распавесці дзецям пра трагедыю. Адсюль вынікае другая праблема: якім чынам гэта эфектыўна зрабіць.

Гэтай праблемай зацікавілася Ірына Кашталян, якая разам з калектывам настаўнікаў распрацавала адмысловы метадычны комплекс. На паседжанні госці пазнаёмяцца з новымі навучальнымі матэрыяламі, а таксама прымуць удзел у іх атэстацыі і апрабацыі.

Таксама наведвальнікі атрымаюць магчымасць наведаць выставу “Розныя войны”, падрыхтаваную “Мемарыялам”, якая ўпершыню экспануецца ў Мінску. Выстава прадстаўляе бачанне гісторыі Другой сусветнай вайны і Халакосту ў падручніках розных краін.

Сустрэча адбудзецца 24 студзеня ў 18.30 у Гістарычнай майстэрні (вул. Сухая, 25). Уваход вольны.

Сачыць за навінамі і запісацца на мерапрыемства можна на адмысловай старонцы ў ФБ.

ЛЯТУЧЫ ЎНІВЕРСІТЭТ — гэта некамерцыйная ініцыятыва, дзе любы жадаючы можа навучацца бясплатна.
Але гэтага ўсяго не было б без падтрымкі неабыякавых.
Напішыце каментар