Абвешчаны набор на 11-ы беларускі аспен-семінар

29 жніўня 2022

Аргкамітэт семінара “Каштоўнасці, адказнасць, будучыня” і супольнасць выпускнікоў беларускіх семінараў за мяжой аб’яўляе конкурс на ўдзел у 11-м беларускім семінары па методыцы Аспен, які пройдзе 22-28 кастрычніка 2022 года ў Літве.

Семінар “Каштоўнасці, адказнасць, будучыня” – гэта адкрытая пляцоўка для рэфлексіі і асэнсавання базавых каштоўнасцей нашай культуры, пошуку агульных падстаў і разумення ўмоў існавання сучаснага чалавека.

Семінар будуецца як калектыўнае абмеркаванне класічных (філасофскіх, публіцыстычных і навуковых) тэкстаў чалавечай цывілізацыі. Удзельнікі семінара атрымліваюць магчымасць асабістага абнаўлення, рэфлексіі ўласнай пазіцыі і прынятых каштоўнасцей, прафесійнай перафакусоўкі. Падчас семінара засвойваюцца формы змястоўнай камунікацыі з прадстаўнікамі іншых сфер і абласцей, удзельнікі становяцца больш падрыхтаванымі да лідэрства ва ўмовах сутыкнення са складанымі рашэннямі ў свеце, які змяняецца.

Семінар дазваляе ўдзельнікам асэнсаваць фундаментальныя асновы добрага грамадства (good society), тым самым паглыбляючы разуменне, пашыраючы гарызонты і павялічваючы здольнасць вырашаць складаныя праблемы.

Семінар – выязны, толькі off-line, працягласць – 7 дзён, месца правядзення – Літва.

Удзел у семінары бясплатны. Арганізатары семінара забяспечваюць усе выдаткі на пражыванне і харчаванне ўдзельнікаў. Адабраным удзельнікам пры неабходнасці будзе аказана дапамога ў атрыманні візы для выезду на семінар.

NOTA BENE! Арганізацыйны камітэт не пакрывае транспартныя выдаткі ўдзельнікаў на праезд да месца правядзення семінара і назад. У выключных выпадках аргкамітэт можа разгледзець магчымасць кампенсацыі транспартных выдаткаў для асобных удзельнікаў па індывідуальным звароте.

Суполка выпускнікоў семінара забяспечвае наступныя семінары на прынцыпах free donate.

Абавязковыя ўмовы: 

– прысутнасць на працягу ўсяго тэрміну правядзення семінара (22-28 кастрычніка 2022).

– падрыхтоўка да семінара патрабуе абавязковага папярэдняга чытання тэкстаў (каля 300 старонак). Тэксты дасылаюцца адабраным удзельнікам за месяц да пачатку семінара.

Адбор удзельнікаў адбываецца на конкурснай аснове.

Рабочыя мовы: беларуская і руская.

Не семінар запрашаюцца лідэры з розных сфер грамадства, якія:

  • дасягнулі значных поспехаў у бізнэсе, палітыцы, дзяржаўным сектары, грамадскай дзейнасці, навуцы, культуры;
  • маюць актыўную грамадзянскую пазіцыю;
  • адкрытыя для пошуку новых сэнсаў і рашэнняў;

ЗАЯЎКІ НА ЎДЗЕЛ У КОНКУРСЕ ПРЫМАЮЦЦА ДА  21 верасня 2022 ГОДА.

Падаць заяўку на ўдзел у семінары

Дадатковая інфармацыя аб семінары: Культуротерапия социальных разрывов: опыт Аспен-семинаров

Кантакты:

E-mail: Aspen.belarus@proton.me 

+485 72 086 690, Андрэй

+380 93 021 7460, Signal, Адміністратар