“Дарожная мапа” развіцця Лятучага ўніверсітэта. Магчымасці супольнага кіравання

Шаноўныя калегі!

Запрашаем Вас да ўдзелу ў другой праектнай сесіі Лятучага ўніверсітэта, якая будзе прысвечана ўдзелу ўніверсітэцкай супольнасці ў планаванні развіцця.

У ідэю Лятучага ўніверсітэта закладаліся амбіцыйныя планы па пошуку і ўвасабленню новых  формаў існавання і развіцця сучасных універсітэтаў. За некалькі год мы ўтварылі ўстойлівую і заўважную пляцоўку ў альтэрнатыўнай  інтэлектуальнай і адукацыйнай прасторы, але гэты стан далёкі ад таго, каб казаць пра выкананне мэтаў. Знешнія абставіны жыцця інэлектуальнай супольнасці не даюць падставаў чакаць, што мы знойдзем сабе месца ў інстытуцыялізаванай прасторы.

Таму пошук сваіх формаў неабходны, і ён толькі пачынаецца. Але як арганізаваць гэты пошук? Хто гатовы да яго?

Пабудаваўшы падмуркі для развіцця Лятучага ўніверсітэта, мы стаім перад выклікам: здолее супольнасць узяць на сябе адказнасць за далейшае развіццё ці будучыня Лятучага ўніверсітэта будзе вырашацца вузкім колам людзей? Досвед ЕГУ няўмольна даказвае, што супольнасць можа і спазніцца, страціўшы магчымасці  вызначаць  шляхі развіцця  ініцыятывы.

Галоўная супярэчнасць і дылема нашага развіцця сёння:

“Гуманітарная немагчымасць супольнага самакіравання Лятучым універсітэтам”

VS

“Неабходнасць самакіравання як базавай ідэі і каштоўнасці ў развіцці Універсітэта”

Але пра гэтую супярэчнасць  не варта абстрактна разважаць , лепш спрабаваць у дзеянні.

Цягам трох дзён інтэнсіўнай камунікацыі мы будзем супольна вырашаць пытанні далейшага развіцця дзейнасці Лятучага ўніверсітэта. Плануецца абмеркаванне і распрацоўка наступных тэмаў:

• Існуючая структура і арганізацыя дзейнасці Лятучага ўніверсітэта. Яе суадносіны з рэалізацыяй прызначэння і мэтаў ініцыятывы
• Праблемы і выклікі развіцця: вызначэнне прыярытэтнай павесткі
• Крокі, хады і “дарожная мапа” развіцця дзейнасці
• Магчымасці і механізмы самакіравання ў Лятучым універсітэце з боку супольнасці (рефлексія і канцэптуалізацыя)

Сесія адбудзецца 1-3 траўня на тэрыторыі базы адпачынку пад Мінскам (7-10 км). Больш дакладная інфармацыя будзе дасланая ўдзельнікам пасля 20 красавіка.

Просім Вас да 25 красавіка даслаць нашаму каардынатару заяўку ў вольнай форме,  дзе просім абавязковаа пазначыць вашую матывацыю да ўдзелу ў гэтым мерапрыемстве і датычнаць на Лятучага ўніверсітэта.

Колькасць месцаў абмежаваная і арганізатары пакідаюць за сабой права адбору.

Каардынатар праектнай сесіі – Галіноўская Юлія: flyuniby@gmail.com; +375297422040