15 снежня фестываль Watch Docs Belarus прапануе паглыбіцца ў феномен папулізму і яго гіпнатычнай эфектыўнасці ў руках палітычных і медыя-сіл у розных грамадствах свету.
19.00, кінатэатр Мір (вул. Казлова, 4а)
У праграме:
1) прагляд фільму «Адкуль бярэцца пыл і куды знікаюць грошы» (Эстонія) аб смелым (а па беларускіх мерках – нават нахабным) эксперыменце талінскай тэатральнай групы NO99. Падчас гэтай авантуры дзяржаўны тэатр ледзь не стаў палітычнай партыяй, гуляючы з агнём гратэскна гучных і пустых абяцанняў, лідарскай харызмы і выкрываннем спрэчнага палітычнага выварату існуючых партыў Эстоніі.
2) дыскусія «Папулізм: чаму ён працуе ў сучасным свеце і як?», на якую адмыслова прыедзе ўскосны ўдзельнік падзей, адлюстраваных у фільме, – былы дэпутат парламенту Эстоніі Сільвер Мейкар. Пасля кампаніі тэатра NO99 гэты чыноўнік першым прызнаўся ва ўласным удзеле ў нелегітымным фінансаванні кіруючай «Партыі зменаў».
Вы яшчэ можаце паспець падтрымаць фестываль праз платформу ТАЛАКА!
З беларускага боку ў абмеркаванні прымуць удзел:
– Андрэй Ягораў, палітолаг, даследчык, дырэктар «Цэнтра еўрапейскай трансфармацыі»;
– Арцём Шрайбман, журналіст, палітычны аглядальнік;
– Святлана Сугака, Belarus Free Theater.
Мадэратар – журналіст Серж Харытонаў.
Асноўныя пытанні размовы:
– Што такое папулізм і чаму гэты тэрмін так шырока выкарыстоўваўся СМІ цягам 2017 году?
– Якія пагрозы нясе папулізм Захаду і чаму так шырока распаўсюдзіўся ў краінах Цэнтральнай і Усходняй Еўропы, якія так доўга шукалі свабоды ў ХХ стагоддзі?
– Чаму традыцыйныя «ворагі» папулізму: адукацыя, грамадства, культура пратэсту – не здольныя зараз яму супрацьстаяць?
– У чым адрозненне папулізму ў дэмакратычных дзяржавах і дыктатурах?
– Ці магчымая кампанія NO99 у Беларусi?
– Медыя і папулізм: як СМІ знішчаюць дэмакратычныя інстытуты і грамадзянскую супольнасць?
– Свабода слова і папулізм: як распавесці пра складаныя рэчы простымі словамі і не згубіць сэнс?
Уваход вольны!
За навінамі мерапрыемства можна таксама сачыць на адмысловай старонцы ў ФБ.
