Каго любіць Вікі, ці чаму Джымі Ўэлс круцей за Мацкевіча?

08 верасня 2016

Фаланстер Минск запрашае на майстар-клас па Вікіпедыі ў межах  Тыдня беларускага мыслення

24 верасня

14.00-18.00

вул. Захарава 77а, п.2

Будзем мысліць вікі-тэхналогіі ў Беларусі разам і дадаваць адмысловыя артыкулы ў Вікіпедыю. 
Майстар-клас будзе складацца з дзвух частак: тэарэтычнай і практычнай.

У першай арганізатары раскрыюць гісторыю, тэорыю і практыку супольнасці Вікіпедыі. Другая частка будзе прысвечана непасрэдна практыцы па дадаванню артыкулаў.
Праграма:
– Больш чым Вікіпедыя: з чаго пачаць выкарыстоўваць фота хаб Вікімедыі, ці да якога конкурса лепей далучыцца.
– Як функцыянуе супольнасць і што чакаць ад яе ўдзельнікаў.
– Гісторыя сусветнай вікі-супольнасці: ключавыя моманты, якія прывялі яе да поспеху.
– Як можна выкарыстоўваць вікі-ідэі і тэхналогіі ў Беларусі.

Кожная тэма будзе раскрывацца з нагляднай дэманстрацыяй: дадаванне артыкулаў, фота. Таму, калі вы жадаеце прыняць удзел у практычнай частцы, неабходна ўзяць з сабой ноутбук і загаддзя знайсці інфармацыю па вашай тэме (або быць гатовым працаваць з прапанаванай).

Мыслім вікіБеларусь!

Агульны расклад Тыдня ТУТ

У арганізацыйны камітэт Тыдня ўваходзяць: Міжнародны кансорцыум “ЕўраБеларусь“, Лятучы ўніверсітэт, грамадская кампанія “Будзьма беларусамі!”, Беларускі Калегіум, “Мова Нанова”, “Беларусский журнал”, кнігарня “ЛогвінаЎ”, Інстытут палітычных даследаванняў “Палiтычная сфера”.