Лекцыя Міхала Анемпадыстава ў Брэсце

21 лістапада 2016

Лятучы ўніверсітэт і Міжнародны кансорцыум “ЕўраБеларусь” прадстаўляюць

МІХАЛ АНЕМПАДЫСТАЎ

КОЛЕР І СТЫЛЬ ЯК МАРКЕРЫ ІДЭНТЫЧНАСЦІ

26 лістапада 2016 г. Лятучы ўніверсітэт і Міжнародны кансорцыум “ЕўраБеларусь” у межах цыкла “Уяўляючы Беларусь: ідэі і вобразы для супольнай будучыні” запрашаюць на адкрытую лекцыю вядомага культурнага дзеяча, дызайнера, графіка, аўтара знакавых песенных тэкстаў для беларускіх рок-выканаўцаў, аўтара тэкстаў і канцэпцыі праекта “Народны Альбом” Міхала Анемпадыстава.

Што ўплывала на фармаванне традыцыі беларусаў, нашых уяўленняў пра стыль? Як складвалася гісторыя каларыстычных упадабанняў нашых продкаў? У якіх гістарычных крыніцах мы знаходзім увасабленне і адлюстраванне асноўных колераў? Якую ролю адыгрывае каларыстыка ў нашай матэрыяльнай і нематэрыяльнай культуры, у штодзённым жыцці кожнага беларуса?

Разважаючы разам з лектарам пра мноства гістарычных фрагментаў і наслаенняў, з якіх складаецца Беларускі стыль, мы паспрабуем зразумець логіку яго фармавання і функцыянавання ў культуры сучасных беларусаў, а таксама тое, якую ролю адыгрывае стыль і, у прыватнасці, нашыя каларыстычныя ўпадабанні, у працэсе самаідэнтыфікацыі, пошуку саміх сябе ў гістарычнай і прасторавай адлегласці.

Лекцыя Міхала Анемпадыстава “Колер і стыль як маркеры ідэнтычнасці” адбудзецца 26 лістапада а 18.00 у прасторы тэатра “Крылы халопа” (Брэст, вул. Халтурына 2/1).

Уваход вольны!

Тэл. каардынатара ў Брэсце: +375298231916 (Святлана)

“Лятучы” рэкамендуе:

Міхал Анемпадыстаў: “Беларускае грамадства патрабуе чытэльных, адметных і легальных сімвалаў ідэнтычнасці”.

Міхал Анемпадыстаў. “Уяўляючы Беларусь”. Канспект лекцыі, прачытанай у межах серыі “Галоўнае пытанне” (кастрычнік 2015 г.).

Відэа-запіс лекцыі Міхала Анемпадыстава “Уяўляючы Беларусь”, прачытанай у межах серыі “Галоўнае пытанне” (кастрычнік 2015 г.).