Міжнародная PhD-праграма ў межах Лятучага ўніверсітэту

Заснавальнікі Кансорцыума:

• Міжнародны кансорцыум “ЕўраБеларусь”;

• Інстытут палітычных даследаванняў “Палітычная сфера”;

• Беларускі інстытут стратэгічных даследаванняў (BISS);

• Беларускі эканамічны даследча-адукацыйны цэнтр (BEROC);

• Даследчы цэнтр Інстытута прыватызацыі і менеджмента (ІПМ).

Каардынатарам Міжнароднай PhD-праграмы для Беларусі з’яўляецца Інстытут палітычных даследаванняў “Палітычная сфера”.

Праграма арганізаваная па завочным прынцыпе. Доктарская дысертацыя пішацца ў Беларусі, завершаны (ці завершаны ў значнай ступені) тэкст прадстаўляецца для абароны завочна ці экстэрнам ва універсітэтах Літвы, Польшчы і іншых еўрапейскіх краін. Выбар універсітэта для абароны дысертацыі ажыццяўляецца на індывідуальнай аснове ў залежнасці ад лінгвістычнай падрыхтоўкі, тэмы дысертацыі і іншых параметраў.

Праграма забяспечвае: навуковае кансультаванне, тэхнічную дапамогу, акадэмічную камунікацыю і метадалагічную дапамогу ў форме семінараў, сувязь з замежным універсітэтам і адстойванне інтарэсаў аўтара дысертацыі, кампенсацыю ўсіх выдаткаў, звязаных з абаронай (у тым ліку ганарараў беларускім і замежным кансультантам, збораў універсітэтаў за абарону, таксама можа разглядацца пытанне пакрыцця выдаткаў на транспарт, пражыванне, навуковую літаратуру і інш.).

Тэкст дысертацыі можа быць на англійская, рускай ці беларускай мовах. Выбар мовы залежыць ад навуковай дысцыпліны, тэмы дысертацыі і універсітэта, дзе будзе ажыццяўляцца абарона. Стандартны тэрмін навучання па праграме – тры гады. Час навучання можа быць скарочаны ці працягнуты на індывідуальнай аснове.

Патрабаванні да кандыдатаў:

• Завершаная вышэйшая адукацыя (дыплом ВНУ ці ступень магістра).

• Валоданне беларускай і рускай мовамі ў ступені, дастатковай для разумення лекцый і напісання тэкстаў. Валоданне англійскай мовай з’яўляецца пажаданым.

• Наяўнасць навуковых, экспертных ці аналітычных публікацый.

Заяўкі прымаюцца да 15 кастрычніка 2012 года ў электронным выглядзе на адрас: phd@palityka.org.

Вынікі адбора будуць вядомыя на працягу месяца пасля завяршэння падачы заявак. Па выніках конкурса будзе адабрана 5 чалавек.

Для ўдзелу ў конкурсе неабходна даслаць:

• Рэзюме (CV) з фотаздымкам, пазначэннем адукацыі, прафесійнага досведу, публікацый і іншай рэлевантнай інфармацыі.

• Матывацыйны ліст у адвольнай форме. Aб’ѐм: да 2 старонак.

• Кароткае апісанне дысертацыйнага даследавання, якое мусіць утрымліваць: тэму, апісанне праблемы даследавання, план, спіс літаратуры (не больш за 10 пазіцый). Агульны памер: да 5 старонак.

За дадатковай інфармацыяй звяртайцеся на адрас электроннай пошты: phd@palityka.org.