Лятучы ўніверсітэт правёў Дзень адкрытых дзвярэй

12 кастрычніка 2017

Лятучы ўніверсітэт правёў у сталічнай Галерэі “Ў” Дзень адкрытых дзвярэй, дзе будучыя слухачы маглі сустрэцца з выкладчыкамі курсаў і школаў гэтага навучальнага сезона, а таксама з выбітнымі асобамі “Лятучага”.

Каардынатарка Лятучага ўніверсітэта Таццяна Вадалажская распавяла “Беларускаму Радыё Рацыя”:

“Мы распачынаем навучальны год і распачынаем, як звычайна, публічнай падзеяй. У гэтым годзе вырашылі абысціся без фармальных прэзентацый і зрабіць больш адпаведную Лятучаму размову з асобамі, інтэлектуаламі, якія будуць у гэтым годзе выкладаць. Мы скарысталіся фарматам “Жывой бібліятэкі”, і разам з імі зрабілі такую імпрэзу”.

Кожны з будучых слухачоў меў магчымасць самастойна выбраць для сябе тэму заняткаў і пагутарыць пад каву цягам дваццаці хвілін з выкладчыкам, які яго зацікавіў.

 

 

 

 

 

Максім Каўняровіч, Беларускае Радыё Рацыя, фота — аўтара.

ЛЯТУЧЫ ЎНІВЕРСІТЭТ — гэта некамерцыйная ініцыятыва, дзе любы жадаючы можа навучацца бясплатна.
Але гэтага ўсяго не было б без падтрымкі неабыякавых.
Напішыце каментар